bideoak

Autor / Egilea: nabarralde

Nafarroaren konkista oroitzeko ekitaldiak abian dira

Otsailaren 1ean izanen da lehen elkarretaratzea Amaiurren, 1512-2012 Nafarroa Bizirik ekimenak antolatuta

Amaiur 1512-2012 Nafarroa Bizirik ekimena aurkeztu zuten atzo, Iruñean. Horren bitartez, Amaiurren nahiz beste hainbat tokitan «euskal subiranotasuna» defendatu zutenak gogoan izan beharra aldarrikatzea da helburua. 2009ko otsailaren lehenerako antolatu dute Amaiurren elkarretaratzea, goizeko hamaiketan.

Egun horretan, ordu arte bildutako atxikimenduen zerrenda aurkeztuko dute. Izan ere, herenegun Baztango Udalak aho batez onartu zuen testuarekin bat egiteko gonbita zabalduko diete euskal instituzio, udal, talde eta banakoei, atxikimendua adieraz dezaten. Gernikako Udalak, adibidez, emana du atxikimendua; aho batez, gainera.

Era berean, ekimenaren ordezkariek salatu egin dute Nafarroako Gobernuak 1512ko gertaerak oroitzeko egin duen Batzordea, «Espainiako Gobernua Batzordean egonen delako, eta Nafarroa Behereko udalekin ez dutelako hitz egin».